what is the hajj – Hajj Islam ke bunyadi aamal me se paanchwa arkan hai, jo har us shakhs par farz hai jo iski iste-aat rakhta ho.

is ibadat ki ahmiyat ka andaja is baat se lagaya ja skata hai ki jab “9 Hijri” me hajj ki farizat ka ailan huwa to nabi kareem SAW ne Khalifaye awwal Hazrat Abu Bakr Siddique RA ko “ameer hajj” bna kar sahaba RA ke sath bheja.

Aur Jab “10 hijri” ko Nabi kareem SAW ne Hajj ka irada farmaya to umimi taur par ailan farmaya take zayda se zayda log Hajj par ja sake.

Aap SAW ke sath 1 Lakh 24 Hajar Sahab RA ne hajj ki sha-adat naseeb farmai.

is hajj ke mauke par Allah tala ne takmeele deen ki aayat ke nuzool ka Allah tala ne ailan farmaya.

hajj Ki Fazilat ko Allah tala ne quran paak me mukhtalif jagah iski ahmiyat ko bataya aur nabi kareem SAW ne bhi sankdo jagha apne hadeeso me iski ahmiyat wa fazilat ko bataya hai.

what is hajj and why is it important

Baitullah sareef ek riwayat ke mutabik Hazrat aadam alaihisssalm ne tameer ki, ek riwayat ke mutabik baitullah ki tameer farishto ne ki, ek riwayat ke mutabik zameen ka aagaz baitullah se kiya gya hai.

riwayat me aata hai ki hazrat zibrail alaihissalam Ibrahim alaihissalam ke paas tashreef laye aur baitullah ki 30 gaz lambi aur 23 gaz chaudi nishan de kar Allah tala ka hukm phunchaya ki is jgah 9 gazz unchi char diwari bana di jaye.

Hazrat Ibrahim alaihissalam ne khuda ke hukm ke mutabik tameer suru ki.

Us waqt Ibrahim AS ki umar 100 baras ki thi jabke Hazrat Ismail AS ki umar 30 saal ki thi, Ismail AS Gaar Banate aur Patthar Bana ke dete Aur Ibrahim AS Diwar ki Tameer Farmate.

hazrat Ibrahim Jis Patthar pe khade the waah khuda ke hukm se upar niche ho jata, is patthar par Hazrat Ibrahim AS ke pair ke nishan “naks” huwe jisko aaj bhi makame Ibrahim par nasb kiya huwa hai.

taameer ki takmeel par hazrat zibrail AS ne Jannat se laya huwa patthar “hazre aswad” Diya jisko Hazrat Ibrahim AS ne Tawaf ki agaz ki nishani ke taur par Nasb kar diya.

baitullah ki tameer ke baad ALLAH tala ne hukm diya ki Hajj Ka ailan kar de Quran paak me is Tajkirah Kiya gya hai

“Logo me hajj (farz hone ka) ailan kar do – is ailan se log tumhare paas (yani is imarat ke pass hajj ke lie) chale aaynge, paao chal kar bhi (paidal) aur aapsi unto par (sawar ho kar) bhi jo door daraz Rasto se Chal kar aaye ho(aur safar ki wjah se ) dubli ho gyi ho to wo apna munafa Hasil Kare. (Surah Hajj)

Prophet Muhammad SAW ka Baitullah ke Buto’n Se Inkar

Nabi Karem (S.A.W) ke Elan e Nabowat aur Hajj ki farziyat ki sorat e haal ye thi ke Betulallah ke arid gird 360 bute’n nasb the. Har qabila apne apne buton ki apni marzi ke mutabiq ebadat karta tha. Khud sakhta Hajj ki rusomat banai hoi thein.

Toheed ka markaz but kade mein tabdel kiya howa tha. Nabi Karem (S.A.W) ne jab Allah ki wehdaniyat ka elan kiya to apnea yr begane sab App (S.A.W) ke dushman ho gaye aur akhir kar App (S.A.W) ko Madina Munawarah hijrat par majbor kar deya. 8 Hijri fatah e Makka ke bad App (S.A.W) ne Betuallah ko buton se pak kar deya aur App (S.A.W) aur Sahaba e Karam (R.A) ne Betuallah ka haq ada karte howe ebadat ko wo walehana manzar pesh kiya ke Islam dushman aur Nabi Karem (S.A.W) ko sab se ziyadah aziyatein dene wali quom bhi mutasir howe bagheir na reh saki aur is ne Islam qabol kar leya.

 What is the Benifit of Hajj | Hajj Ke Fazilat

Nabi  (S.A.W) ne darj zel ahadis mein Hajj ke fazail ka is andaz mein zikar farmaya hai:

“Hazrat Abu Hurera (R.A) irshad nakal farmate hain ke jo shakhs Allah Taala ke leye Hajj kare, is tarha ke is Hajj mein na koi fahash baat ho aur na fasq ho (hokum adoli) wo Hajj se esa wapis aata hai (gunhaon se pak ho kar) jaisa us din tha jis din maa ke peat se peda howa tha.” (mashkawat e sharif)

Is hadis meinpheli shart Allah Taala ke leye Hajj karna hai yani koi aur neyat na ho. Is ki tashreh dosri hadis meinis tarah ayi hai ke qayamat ke qareb meri umat ke ameer log to Hajj mahez sear o tafreh ke irade se karein ge. Umat ka mutawasit tabqa tejarat ki gharaz se Hajj kare ga. Ulma aur degar shuhrat ki wajah se Hajj karein ge aur ghurba bhek mangne Hajj ke leye jaein ge. Aik hadis mein salateen aur badshahon ke bare mein aya hai ke wo sear o tafreh ke leye Hajj karein ge. (kinz ul amal)

Aik hadis mein hai ke Hazrat Umar e Azam (R.A) safa aur marwa ke darmiyan tashrif farma the ke aik jamat ayi aur BTeuallah Sharif ka tawaf kiya, safa o marwa ke darmiyan sai ki. Hazart Umar (R.A) ne un se daryaft kiya ke tum log kahan se aye ho? Unhon ne arz kiya ke Iraq se aye hain. Hazart Umar (R.A) ne daryaft kiya ke yahan kese ana howa? Unhon ne arz kiya ke Hajj ke leye. Hazart Umar (R.A) ne daryaft kiya ke kia koi aur gharz to nahi thi? Unhon ne arz kiya ke koi aur gharz nahi thi. Hazart Umar (R.A) ne farmaya ke arsar e no amal karo, tumhare phechle sare gunah maf ho choke.
Hazart Abu Hurera se riwayat hai ke aanhazrat (S.A.W) ne farmaya “neki wale Hajj ka badla Janat ke siwa kuch nahi.”

Umul Mominin Hazrat Aysha Sidiqa (R.A) se riwayat hai ke Nabi Karem (S.A.W) ne farmaya ke koi din esa nahi jis mein Allah Taal arfa ke din ziyadah se ziyadah bandon ko Jahanum se nijat deta ho. Is din Haq e Taala duniya ke qareeb hota hai aur fakhar ke tor par farmata hai, ye bande kia chahate hain.

Tags – why is it important, what is hajj in Islam, what is hajj and umrah, what’s hajj, what is the goal of hajj.